Aktori, muzikanti, autori dhe aktivisti i njohur shqiptar, Çun Lajçi, dha së fundmi lajmin se ishte infektuar me koronavirus.
Nëpërmjet një postimi në “Facebook”, ai tregoi si ishte gjendja e tij shëndetësore dhe gjithashtu dha një mesazh.
Ndër të tjera, ai tha se në qoftë se do të bëhet më mirë, të gjithë kanë për të shpëtuar, pasi nuk do të detyrohen t’i blejnë lule dhe t’ia zmadhojnë fotografinë e tij, në rast se sëmundja është fatale për të.
Fatmirësisht, aktori ka arritur ta mposhtë virusin Covid-19, siç njofton edhe vetë në një postim në Instagram.
Statusi i plotë:
“Jo s’po del se s’po t’lëshoj!
“Kjo ruga perdridhet si gjarpër i zi
për ku po vrapon gjeneral Moisi?”
Kjo poezi e Kadaresë mu kujtua para se t’i hap sytë sot dhe u kacafyta si grethi me bletën, me Covidin e trupit tim!
Erdhe si hije e zezë dhe u fute gabzherrit tim. U shtrine mushknive t’mia si shallvareve t’Ali Pashës e vija-vija m’i bane.
Ku je nisë tash? Kujt ia ke mësy?
E sheh se asht zbardhë platoja e Kurrizit me borën e vonë t’hamsinit? Kujt po don me ia nxi shpirtin e xhepin tash?
Jo s’po del, pa mi pagua ilaçet cent për cent. Pa ma kthye pensionin e tetë muj ditëve, s’del prej gabzherrit tim, se erdhe me ma marrë shpirtin e nji muej luftove me mushknitë e mia!
Rri aty përfundi gabzherrit virus i qelbun që e qelbe dynjanë, se s’del pa ta shtypë t’zezën tande.
Ke hi n’mushknitë e malësorit e t’ka dalë kapuç me mangë tamli i bardhokave, maza e koritave, borinicat e drethet e tamli me borë!
Rri me artistin e lueje ti vdekjen unë jetën, se populli duhet mu argëtua me diçka n’ditët e karantinimit!
T’kujtohet sa artistat i bane dhé?
I thashë këtij far mut Covidit sot kur e pashë se po binte borë e ai po mundohej me ikë prej trupit tim!
Si duket ishte mërzitë me mushknitë e mia e s’kishte çka hante, se ato kishin nisë me hangër ate!
E kishte kapë zavali me dalë prej zgurit tim e kur erdhi të arra e fytit, ia ngjita vetit për gabzherrit!
Prit njiherë prit, se nuk shkon pa m’kallxua, sa shpirta i more para se me hi n’gjoksin tim?
Ishin vajza? Djem a pleq si unë?
Mos ishte miku im Lurani?
MoZot t’keshë qenë n’shpirtin gazmor t’Cimës se me thojtë e mi t’baj stërkalë!?
Po flisja me gabzherrin tim që sot heret n’mengjes e kisha kapë tue shtrengua me thoj, kur e mora vesh se virusi po dilte nga jeta ime!
Thashë, s’po e lëshoj pa dalë n’teracë e me bertetitë: O rujuni se doli nga unë ky mut Covidi e asht turrë si i çmendun Platosë së Kurrizit.
Por ishte tue ra borë e mu mërdhinënë kokërrat. Qesha e thashë: Edhe ti paske mu ngri more virus zeza dhe hina nën jorgan mu nxe!
U mërzita pak, se tash s’muj me iu thanë: O ikni, ikni se po vjen Çuni me Covid!
A dini pse? Se dje dola me ecë kah Katedralja. Por mu nxu fryma dhe u t’fillova me hi të njeni n’dugajë me pushua. Kur m’pa, e kapi karrikën e bërtiti: Rri përjashta rri, mos hi mbrenda, se po ta bi karrikën !
M’erdhi randë shumë. Se kështu kam pa tue iu thanë këtyne t’çmendunve e lypsarve!
I thashë as mos ma bje karrikën as s’po ta la covidin. E mbys e s’ta la n’dugajë dhe e kapa gabzherrin prap me thoj e si breshka shkova n’furrikun tim!
P.S
Jo, s’kam Covid ma, duel dje, se s’mujta me mbajt gabzherrin se mu nxu fryma!
Dardani, 07.04.2021″
Jo s’po del se s’po t’lëshoj!
“Kjo rruga përdridhet si gjarpër i zi
për ku po vrapon gjeneral Moisi?”
Kjo poezi e…
Posted by Çun Lajçi on Wednesday, 7 April 2021
