Fansat e këngëtares Lady Gaga janë alarmuar pasi ylli i muzikës u shfaq në ceremoninë e “Grammy Awards” pa të fejuarin Christian Carino dhe pa unazën e bukur të fejesës.
Thashethemet për ndarjen e tyre po përhapen me furi në Twitter pas disa fakteve të dukshme si më poshtë që nuk mund t’i anashkalojmë:
E para, Gaga nuk e kishte vënë unazën e fejesës të dielën mbrëma në “Grammy”. Nuk ndodh gjithmonë që ta vendosë, por sërish fansat dyshojnë.
E dyta, Christian nuk e shoqëroi partneren në “Grammy”. Edhe pse ai nuk e shoqëron në tapetin e kuq, zakonisht takohen brenda sallës së eventit dhe kjo gjë nuk ndodhi.
E treta, Gaga nuk e falënderoi dhe as e përmendi në fjalimin e saj pasi u ngjit në skenë për të rrëmbyer çmimin.
Megjithatë, Christian ka të gjitha fotot e publikuara me Gaga-n në profilin e tij në Instagram, dhe kjo na qetëson disi.
