Mbrëmjen e kaluar në tapetin e kuq të “The Oscars” kanë kaluar yjet më të famshëm botërorë, me veshjet e të cilëve kemi mbetur të surprizuar.
Mirëpo, ndonjëherë ka edhe surpriza jo të këndshme.
Aktorja e dashur për publikun, Almeda Abazi së fundmi përmes një postimi në Insta Story ka reaguar ndaj veshjes së Lady Gaga-s.
Rikujtojmë se stilisti i Gaga-s është frymëzuar nga aktorja britanike Audrey Hepburn, ndërkohë fustani është i ngjashëm, por ka disa detaje të cilat bëjnë diferencën.
Për shembull, fustani i yllit të muzikës është bust në pjesën e sipërme, ndërsa në pjesën e poshtme ka një stil paksa ndryshe.
Pra le të themi që nuk është 100 për qind imitim.
Pooor, le të rikthehemi tek çështja e zhgënjimit të Almedës. Ajo ka publikuar një foto ku shfaqet, Gaga, Hepburn dhe vetë ajo.
Fotoja e saj është e shkëputur nga një puntatë, teksa prezantonte “Dancing with the stars”. Ajo ka veshur fustan të zi, me doreza të gjata, njëlloj si Audrey, por me të vetmin ndryshim, se forma e fustanit në pjesën e sipërme është bust.
Pra Gaga është veshur njëlloj si Almeda!
Duket sikur këngëtarja e famshme e ka kopjuar bukuroshen shqiptare, edhe pse gjasat janë të pakta, për të mos thënë që nuk ekzistojnë.
Ndoshta është një rastësi e fatit! Ku i dihet?
Megjithatë, Almedës e gjitha kjo nuk i ka pëlqyer aspak pasi ajo mbishkruan: “Unë s’do ta kisha bërë këtë Gaga e dashur. Ideja ime.”
