Lady Gaga ka pozuar topless për një fushatë të re për linjën e saj kozmetike, HAUS Laboratories. Këngëtarja e njohur lançoi brand-in në vitin 2019-të dhe i ka lënë pak vend imagjinatës me fotot e saj të fundit, ku shfaqet e zhveshur në pjesën e sipërme të trupit.
Ajo është mbuluar vetëm me flokët e saj të gjatë, për t’ju përshtatur edhe rregullave të rrjeteve sociale, që nuk lejojnë imazhet eksplicite. Në foto ajo shihet e veshur vetëm me një palë të brendshme, ndërsa në një tjetër me një body në ngjyrë mishi.
“Moti mund të jetë duke u ftohur, por ne po i ngrohim gjërat disi”, shkruhet në postimin e bërë nga brandi i artistes. Duke folur për produktet kozmetike, Gaga tha: “Ky lansim është kaq shumë i veçantë për mua. Dhe shpresoj që kjo përbërje të frymëzojë aq shumë sa grimi kur u dashurova me të dhe kjo më ndihmoi të zbuloja veten time.”
Kohët e fundit këngëtarja ka qenë mjaft e angazhuar, pasi ajo është marrë edhe me promovimin e albumit më të ri, Chromatica, të cilin e publikoi në 29 maj.
