Indrit Cara është një nga dëshmorët e luftës së Kosovës, i cili njihet si “Ushtari Kavaja”.
Komandanti i UÇK-së, Besim Gashi, ftoi sonte në programin “Dua të të bëj të lumtur” babanë e Indritit, Lulëzimin.
Pavarësisht se kanë kaluar rreth 20 vite nga ngjarja e rëndë për familjen Cara, sakrifica e Indritit nuk është harruar asnjëherë. Kur ai vendosi që t’i bashkohej Ushtrisë Çlirimtare të Kosovës, Indriti ndodhej në Angli, ku jetonte për një jetë më të mirë.
“Dua të të tregoj se qëllimi për të cilin Indriti ra dëshmor është realizuar dhe vazhdon të forcohet çdo ditë. Ne jemi mirënjohës përjetë juve dhe veprës që ka bërë djali juaj. Jam krenar që kam pasur nderin të takoj Indritin dhe jam krenar që kam marr pjesë të luftoj krah për krah me të”, tha komandanti Gashi.
Familjes së Indritit iu dhurua një apartament në qytetin e Kavajës.
