20-vjeçarja Kylie Jenner ia ka dalë të renditet në listën e “Forbes” si miliarderja më e re që ia dalë mbanë vetë.
E renditur në vendin e 27-të me një pasuri që kap vlerën e 900 milionë dollarëve, Kylie është themeluesja e “Kylie Cosmetics” dhe ka shitur më shumë se 630 milionë dollarë kozmetikë.
Sipas “Forbes”, “Kylie Cosmetics” tani vlen 800 milion dollarë dhe Jenner zotëron 100 për qind të kompanisë. Ajo është një nga femrat më të reja që ia ka dalë të renditet në listën e “Forbes”.
“Është e jashtëzakonshme që njihem për diçka për të cilën jam aq e pasionuar dhe unë jam shumë mirënjohëse për këtë. E kam dashur gjithmonë kozmetikën dhe kam punuar shumë fort. Lidhja me fansat e mi dhe krijimi i produktit ka qenë një proces i pabesueshëm. Kam mësuar aq shumë gjatë rrugës dhe shpresoj që të frymëzoj të tjerët që të ndjekin ëndrrat e tyre”, tha Jenner e cila mbush 21 vjeç në 10 gusht.
Por Jenner nuk ishte e vetmja nga familja Kardashian-Jenner që ia ka dalë të renditet në listë. Motra e saj Kim Kardashian, themeluesja e KKË Beauty, renditej në vent të 54-t, me një pasuri prej 350 milionë dollarësh.
Për t’u njohur të parët me lajmet më të fundit nga showbiz-i, moda, bukuria, aktualiteti etj., shkarkoni falas aplikacionin e iconstyle.al
iOS: (Kliko Këtu)
Android: (Kliko Këtu)
