Nëse e vesh Kylie Jenner atëherë është zyrtarisht një trend i ri! 19-vjeçarja dukej super “chic” dhe me stil me çizmet mbi gju ngjyrë lejla, në Los Angeles. Kylie na dëshmoi se nuk është asnjëherë vonë për të vazhduar të veshësh çizme dhe ndodh që mos të nevojiten pantallonat.
Por ajo që na kujtoi 19-vjeçarja, e cila kishte vendosur që çizmet të bënin të gjithë paraqitjen, ishte fakti se i kemi parë dhe më herët.
Elvana Gjata u shfaq në postimin e “Instagram”-it më 30 mars me të njëjtin stil çizmesh mbi gju të markës “Balenciaga”, që pas kërkimeve që “ICONstyle” bëri rezulton të kushtojnë plot 1130 euro, bazuar në çmimin e faqes online së markës.
Çizmet mbi gju në ngjyrë lejla i jepnin pamjes së saj një siluetë perfekte dhe mund të kombinohen lehtësisht me ngjyra të ndezura, si e kuqja ose e verdha në rastin e këngëtares shqiptare apo ato neutrale, si e bardha në rastin e Kylie.
Nuk mund ta quajmë “kopjim”, por nëse nuk është frymëzuar nga këngëtarja shqiptare, Kylie Jenner sapo aprovoi trendin që solli Elvana disa javë më parë.
Burimi: ICONstyle.al
