Është pothuajse e pamundur të jesh e famshme dhe një adoleshente normale në të njëjtën kohë.
Ky është leksioni i vështirë i dhënë nga 19-vjeçaja Kylie Jenner. Në numrin e fundit të revistës “Complex”, Jenner thyen heshtjen për paraqitjen e bukurisë dhe si është kur miliona adoleshente dinë emrin tënd.
Duke pozuar thuajse nudo, ajo rrethohet nga arti i Takashi Murakami, ku për herë të parë ajo tregohet transparente.
Fryrja e buzëve e bëri Kylie Jenner-in edhe më të famshme, por tashmë ajo vendosi të tregojë publikisht arsyen e atij vendimi.
Megjithatë pas këtij ndryshimi qëndrojnë pasiguritë e saj që në adoleshencë. 19-vjeçarja tregoi se në gjimnaz mendonte se askush nuk donte ta puthte, dhe kjo kishte nisur pas komentit të një djali që e kishte puthur.
“Putha një djalë dhe më tha: “I ke buzët shumë të vogla, por puth shumë mirë. S’e besoja se do të puthje kaq mirë.” Ishte kaq i pasjellshëm. Që atëherë, më dukej sikur djemtë më shikonin buzët tërë kohës. Sikur askush nuk donte të më puthte”, tha Kylie.
Ajo thotë se ka gënjyer për buzët, sepse ajo ishte shumë e vogël: “Nuk doja që të isha një influencuese e keqe. Nuk doja që njerëzit të mendonin se duhet të bësh buzët që të ndihesh mirë për veten. Por ata mendonin se ishte më çmenduri që po gënjeja për këtë, sepse ishte shumë e dukshme. Do të doja thjesht të isha e sinqertë dhe e guximshme”.
Burimi: Elite Daily
