Kylie Jenner është kritikuar nga fansat për sjelljen e saj së fundmi.
Ajo ndau në Instagram foto të avionëve të saj privatë me të dashurin Travis Scott të premten, teksa shkruante: “Dëshiron të marrësh timin apo tëndin?”
Ndjekësit u kundërpërgjigjën menjëherë, duke kritikuar postimin pa shije në një kohë kur ngrohja globale dhe rritja e kostove të jetesës janë çështje kyçe për pjesën më të madhe të botës.
View this post on Instagram
“Të tregosh shumë pasurinë tënde kur të tjerët mezi po mbijetojnë! Ndoshta të marrësh asnjërën dhe të reduktosh gjurmën tënde të karbonit”- ishin vetëm disa prej komenteve të shumta.
Kjo nuk është hera e parë për Kylie që merr kritika të tilla. Muajin e kaluar, ajo u fotografua duke bërë një udhëtim të shpejtë 30-minutësh në Palm Springs, Kaliforni me avionin e saj të personalizuar, të cilin e bleu në vitin 2020 për 72.8 milionë dollarë.
Me shumë hapësirë në bord – avioni luksoz i Kylie ka 10 sedilje lëkure të bardha të qëndisura me inicialet e saj – mamaja Kris Jenner dhe i dashuri i saj Corey Gamble u panë gjithashtu në udhëtim.
Koha mesatare e fluturimit nga Los Angeles në Palm Springs është 49 minuta, me kohën e kaluar në ajër vetëm 30 minuta.
Të famshëm si Kylie janë kritikuar për udhëtimet e tyre luksoze ajrore, veçanërisht në udhëtime të shkurtra.
Joaquin Phoenix u bëri thirrje yjeve të bëjnë sakrifica në Oscar 2020 duke thënë: “Nuk kemi nevojë të marrim avionë privatë në Palm Springs”.
