Kylie Jenner tashmë ka emrin e saj në një linjë bukurie dhe ka bashkuar fuqinë me motrën e madhe Kendall për koleksionin e veshjeve, por tani ajo po ndërhyn në botën e aksesorëve. 19-vjeçarja bashkëpunoi me markën e syzeve të diellit “Quay Australia” për një koleksion të limituar në kohë për verën.
Koleksioni përbëhet nga katër stile në ngjyra të ndryshme, duke filluar nga 75 – 80 dollarë secila. Ekzistojnë stile rrumbullake të frymëzuara nga vitet ’90, ato “cat eyes”, aviatorë dhe oversized.
Jenner publikoi disa foto të fushatës së saj:
“Unë kam mbajtur syze dielli “Quay Australia” për një kohë të gjatë. Jam shumë e ngazëllyer që kam krijuar koleksionin tim dhe që po ndaj dashurinë time për markën me fansat e mi”.
Syzet e diellit “Quay x Kylie” dalin në shitje më 11 korrik në quayaustralia.com.
Burimi: Harper’s Bazaar
