Prej disa javësh, miliarderja 22-vjeçare, Kylie Jenner, po përflitet për ndarjen e saj nga partneri Travis Scott, me të cilin ka një vajzë.
Ata nuk janë parë më së bashku dhe madje thuhet se Travis është zhvendosur në një tjetër shtëpi, por ai e takon të bijën, Stormi-n, sa herë t’i jepet mundësia.
Gjatë kësaj kohe, Kylie u përfol për një romancë të re me reperin Drake, mirëpo lidhja e tyre u mohua kategorikisht nga të dyja palët.
Teksa të gjithë jemi kuriozë ç’po ndodh mes Kylie-t dhe Travis, 22-vjeçarja po përpiqet të na japë disa sinjale.
Ajo ripostoi në InstaStory një status të motrës së saj, Khloe-s, ku shkruhej:
“Ti nuk po kërkon shumë. Thjesht po ia kërkon personit të gabuar.”
Asgjë tjetër s’na shkon në mendje, përveç faktit që Travis mund ta ketë zhgënjyer Kylie-n, ndaj ajo hedh thumba të tillë.
Megjithatë, duket se 22-vjeçarja është penduar pas publikimit të kësaj fotoje në InstaStory-n e saj, pasi më vonë e ka fshirë.
