Nëse jeni “maniakë” të rregullit dhe simetrisë, ju paralajmërojmë se ky artikull përmban pamje që s’kanë për t’ju pëlqyer aspak!
Në fakt, e gjitha ka të bëjë me mënyrën sesi Kylie Jenner e pret kekun e saj.
Me rastin e ditës së nënës, 22-vjeçarja kishte marrë si surprizë veç të tjerash edhe një kek, të cilin e pëlqeu shumë dhe vendosi ta ndajë me ndjekësit e saj në Instagram.
Mirëpo, këtu nisi problemi!
Mënyra jo simetrike e prerjes së kekut nga Kylie Jenner irritoi rrjetin dhe ndjekësit aq deshën!
Të gjithë iu “sulën” miliarderes duke i treguar se kjo nuk është mënyra e prerjes së një keku, megjithatë Kylie e kishte një kundërpërgjigje.
Për të acaruar më shumë ndjekësit e saj “maniakë”, ajo publikoi një video ku tregonte se po priste një copë keku akoma më keq se herën e parë!
Kësaj here, Kylie e vendosi thikën në mes të kekut dhe bëri një rreth, ndërsa krahas postimeve shkroi:
“Njerëzit ishin të shqetësuar që e preva kekun në atë mënyrë, ndaj kjo është për ata njerëz.”
Në një shkallë nga 1 deri në 10, sa të irrituar ndiheni pas këtyre pamjeve?
