Gjatë këtij muaji ka pasur trazira në marrëdhënien e Kylie Jenner dhe Travis Scott.
U përfol se Kylie Jenner kishte prova të forta se partneri i saj e ka tradhtuar me dikë tjetër.
Rikujtojmë se një burim pati deklaruar për “People” se arsyeja se pse Kylie dyshonte se e tradhtonte partneri ishte se bukuroshja ka parë në telefonin e Travis mesazhe me femra të tjera që nuk i kanë pëlqyer aspak. Mirëpo pavarësisht gjithçkaje nuk u nda me të.
Travis për pak kohë fshiu edhe Instagram-in për t’i dëshmuar Kylie-t se nuk e ka tradhtuar dhe se është besnik ndaj saj.
Mirëpo së fundmi raportohet se dyshja po punon fort që të riforcojë marrëdhënien mes tyre.
Një burim mjaft i afërt i 21-vjeçares dhe reperit ka pohuar për “TMZ” se sapo Kylie dhe Travis t’u jepet mundësia, do bëjnë disa pushime familjare ose më saktë, sapo Travis të ketë një pushim nga turneu “Astroworld.”
Në vijim burimi ka shtuar se të dy personazhet e njohur publikë duan që t’i kushtojnë më shumë kohë vogëlushes së tyre Stormi dhe mbi të gjitha të forcojnë marrëdhënien e tyre.
Dhe vlen për t’u përmendur edhe postimi i fundit i bukuroshes në llogarinë e saj në Instagram, e cila ka publikuar një foto të shkrepur nga pushimet me Stormi-n. Eh, si duket mezi po i pret pushimet…
https://www.instagram.com/p/BvU425RnE6p/
