Ka një vend të botës, në të cilin ndalohet festimi i ditës së Shën Valentinit. Një gjykatë lokale në Pakistan ndaloi një vit më parë festimet e ditës së të dashuruarve në vendet publike dhe tashmë janë paralajmëruar mediat, që mos ta promovojnë 14 Shkurtin.
Në një mesazh në “Twitter”, Autoriteti Pakistanez për Rregullimin e Mediave Elektronike ka thënë se, ndalimi i vitit të kaluar është ende në fuqi dhe u ka bërë thirrje vendeve të “braktisin promovimet” e festës.
Në shkurt të vitit 2017-s, Gjykata e Lartë në Islamabad ka ndaluar festimet në vendet publike dhe zyrat qeveritare brenda shtetit. Po ashtu, ka urdhëruar mediat të mos publikojnë asgjë që lidhet me këtë ditë.
Abdul Waheed ka thënë se, në atë kohë i ka kërkuar gjykatës “të vendosë kundër promovimit të kësaj feste, sepse ai ka besuar se mediat e shtypura dhe ato elektronike e prezantojnë atë ditë, sikur të ishte pjesë e kulturës sonë”.
Më 2016-n, presidenti pakistanez, Mamnoon Hussain, i ka bërë thirrje popullit me shumicë myslimane për të mos e festuar këtë ditë, sepse nuk është traditë myslimane, mirëpo Perëndimore.
“Dita e Shën Valentinit nuk ka lidhje me kulturën tonë dhe duhet të ndalohet”, ka thënë ai.
