Dhjetë vende të mbrojtura nga UNESCO rrezikojnë që të zhduken. Alarmin e dha “Nature Research” pasi analizoi situatën në disa nga vendet që janë të mbrojtura dhe shkaku kryesor është rritja e nivelit të detit.
Mes vendeve të rrezikuara renditet edhe qyteti antik i Butrintit. Sipas ekspertëve, Butrinti është në rrezik të moderuar si nga përmbytjet, ashtu edhe nga erozioni, me 1.6 milionë deri në 1.8 milionë stuhi të parashikuara deri në 2100-n.
Sipas kërkimit shkencor janë disa site dhe qytete të cilat rrezikojnë të zhduken përgjithmonë. Italia është ndër vendet më të prekura për sa i përket rritjes së nivelit të detit. Qyteti i Venecias renditet ndër vendet me rrezik të lartë, që preket si nga rritja e nivelit të detit ashtu edhe nga erozioni.
Në listën e vendeve të rrezikuara është edhe qyteti kroat i Dubrovnikut, i cili rrezikohet gjithashtu nga erozioni bregdetar. Në rrezik përmbytje janë edhe zonat historike të Stambollit.
