Sa më do? A më do vërtetë? Këto janë disa nga pyetjet që mendojnë çdo person në një lidhje. Ne vendosim veten dhe ndjenjat në dyshim. Jemi të bindur që e duam tjetrin, por a e duam pa asnjë interes, pa asnjë llogari. A duam atë dhe jo jetën që jemi mësuar të bëjmë me të? Për ta kuptuar, provo nëse janë të vërteta për ty këto tre ndjenja
E do tjetrin mbi të gjitha si njeri, pastaj si mikun më të afërt, partner dhe anëtar familjeje.
Ti ia njeh potencianli dhe mirësinë. Nuk e sheh sikur është prona jote dhe as me frikë. Ti e sheh dhe ndihesh e sigurt sikur sheh gjyshërit e tu.
Sakrifikona për të në mënyrë krejt joegoiste!
Sa kohë ai/ajo është i/e lumtur, ti je e/i lumtur, edhe nëse ai/ajo nuk është me ty. Nuk do e kesh kurrë zili për marrëdhënien e re sepse nuk ka arsye. Ju nuk mund të ishit bashkë, prandaj ai/ajo duhet të jetojë jetën e vet.
Kthehesh te ai/ajo, pavarësisht gjithçkaje!
Pavarësisht ku jeni, apo sa kohë keni pa u parë, gjithmonë do kthehesh te ai/ajo. Nëse ai/ajo do të telefononte ndonjëherë, ti do të shkoje gjithmonë. Do jetë gjithmonë dikush që do e dojë atë atje tej. Ti nuk do ta braktisësh kurrë. Do t’i japësh hapësirën të rritet në jetë, por do jesh gjithmonë atje. Jo duke e pritur pa jetuar, por duke e dashur vetë.
Dashuria nuk është thjesht një pëlqim. Është shumë më tepër sesa një emocion i menjëhershëm. Dashuria është ndjenja pafundësisht e fortë për dikë. Ti do ta kesh atë me vete për gjithë pjesën tjetër të jetës.
Kushdo ka mënyrën e vet të të dashuruarit. Dhe disa njerëz nuk do hiqnin dorë nga e mira dhe e keqja që vjen me këtë forcë të ndjenjave. Nuk do shkëmbenin asgjë me humbjen dhe dhembjen që vjen kur i do dhe interesohesh me shpirt për njerëzit. Ata nuk pendohen për dashurinë e pastër. Nëpërmjet saj kuptojnë kush janë.
