Sukseset nuk kanë fund për Loredanën dhe ajo sapo ka shtuar një kupë në karrierën e saj. Reperja shqiptare ka fituar çmimn “Best Swiss Act”, ose “Performuesja më e mirë zvicerane” për të dytin vit radhazi. Ajo ishte e nominuar përkrah emrave të tjerë të njohur si, Sevem, Bligg, Loco Escrito dhe Pronto.
Loredana është shprehur mjaft e lumtur në rrjete sociale pas marrjesë kupës.
“Fitova çmimin e ‘MTV Award’ për herë të dytë… Faleminderit të gjithëve që më votuat! Ju dua”, shkruan Loredana e emocionuar.
Së fundmi reperja ka qenë e pranishme në Kosovë për shkak të disa projekteve mjaft të rëndësishme. “Prive” mësoi para disa ditësh se Loredana po realizon një dokumentar për jetën e saj personale e karrierën dhe pritet të publikohet shumë shpejt. (Kliko) Para disa ditësh ajo publikoi këngën e re, “Tut mir nicht leid”, që do të jetë pjesë e albumit “Medusa”, i cili do të lançohet i plotë në dhjetor.
