Ishujt Uist dhe Benbecula, në arkipelagun Hebridean të Skocisë, ofrojnë paga të ëndrrave për të tërhequr mjekë dhe mësues të rinj.
“NHS Western Isles”, shërbimi shëndetësor skocez, është i gatshëm të paguajë 150 mijë paund në vit (rreth 175 mijë euro) për mjekët që do të zhvendosen në këto ishuj të largët dhe të bukur.
Për mësuesit, paga është 68 mijë paund (rreth 79 mijë euro) për pesë nxënës të shkollave fillore dhe dy fëmijë të kopshtit.
Në veçanti, ishulli Rum kërkon mësues për shkollën fillore.
Mjekët që zgjedhin Hebridet do të punojnë në një grup prej gjashtë ishujsh me një popullsi prej 4700 banorësh.
NHS po mbështet sharmin e këtyre vendeve të pacenuara dhe pagat e larta për të tërhequr profesionistë të rinj dhe për të përmirësuar cilësinë e jetës në ishuj.
Trusti i Komunitetit të Isle of Rum shpreson se oferta do t’i joshë familjet e reja që të vendosen, duke krijuar një komunitet më të gjallë dhe më të fortë.
