A keni menduar ndonjëherë të hiqni dorë nga çdo gjë dhe të shkoni për të jetuar jashtë kufijve shqiptarë? Nëse kalon një plan i propozuar, së shpejti mund ta bëni këtë për shumë pak para. “Guardian” raporton se, një qytet i largët dhe i bukur në Itali mund të fillojë t’i paguajë njerëzit për të jetuar atje.
Bormida, një fshat malor me një popullsi prej vetëm 394 banorë, po merr në konsideratë një plan për të ofruar 2000 euro për njerëzit, që transferojnë vendbanimin e tyre atje. Dhe sapo të jeni atje, ju mund të paguani më pak se 50 euro në qira çdo muaj për një vend të vogël për të jetuar. Për një shtëpi më të madhe, qiraja do të kushtojë 120 euro. Popullsia e Bormidës ka pësuar rënie kohët e fundit dhe kryebashkiaku i qytetit, Daniele Galliano, propozoi këtë ide si një mënyrë për të mbajtur qytetin.
Galliano bëri një postim në “Facebook” rreth planit, duke theksuar se është ende vetëm një plan dhe nuk është vendosur asgjë. Pjesa e qirasë së lirë do të mundësohet për rreth dy muaj, por shpërblimi në para është vetëm një ide.
Natyrisht, do t’ju duhet të gjeni një punë nëse lëvizni në Bormida dhe do të duhet të përshtateni me jetën e mërzitshme, që lidhet me faktin kur jeton një zonë të largët. Qyteti më i afërt, Genova, është 50 milje larg, por zona ka një pamje shumë të bukur.
Gjithsesi, ndërsa mediat e huaja shkruan për këtë rast, ndodhi një keqkuptim nga ana e tyre, gjë që u sqarua më pas nga kryebashkiaku Galliano. Ky i fundit u shpreh se rasti vlen vetëm për shtetasit që jetojnë tashmë në Itali dhe jo për të gjithë qytetarët e botës.
Burimi: Cosmopolitan
