Italia njihet për kulturën e disa prej ushqimeve, pas të cilave ne jemi të fiksuar. Nuk po flasim për picën këtë herë, por për makaronat. Ushqimi tradicional italian, i cili ka pushtuar tryezat e shtëpive në të gjithë botën, tashmë po pushton edhe rrjetet sociale.
Loja duket se nisi në sfilatën e modës së “Dolce & Gabbana”-s, ku veshjet e modeleve kishin të stampuara dizajnin e makaronave.
Pas kësaj nisi edhe fushata e D&G me modelet e bukura që shijonin lloje të ndryshme makaronash, të cilat na hapën oreksin.
Por gjithsesi tashmë trendi i ri i fotove është bërë shumë “mainstream”, konsiderohet si një ide normale dhe është përhapur kudo.
Ndërsa loja vijoi me modelen Emily Ratajkowski dhe tashmë Bella Hadid e Taylor Hill, disa nga emrat e njohur publikë shqiptarë gjithashtu e kanë përqafuar këtë trend.
Lori Hoxha
Okej ishte një foto normale e blogeres së modës e publikuar më 28 korrik, por ne na mbetën sytë te makaronat.
Armina Mevlani
Ndodhej në Milano të Italisë në shtator dhe nuk kishte si të mos bënte një foto me drekën e saj.
Aurela Hoxha
Ka eksperimentuar me foto të ndryshme dhe duket se ka kuptuar se makaronat të tregojnë më shumë seksi, kur pozon me to.
Edhe nëse bën një fytyrë si të mërzitur:
Alesia Noka
Ish-modelja e agjencisë së modelingut “Icon Agency”, Alesia Noka, tregon se nuk ke nevojë për pirunë për ta ngrënë këtë ushqim, përsa kohë ke duart. Dhe e ka realizuar shumë bukur idenë në fotot e Endrit Mërtirit.
Estela Ujka
Ndonjëherë është më mirë të bësh vetëm një fotot të tyre. Duken kaq të shijshme dhe do të merrni shumë “like” apo komente!
