Fotografia e Armina Mevlanit me akullore hapi debate mes komentuesve se kishte përdorur “Photoshop” për t’u dukur më e gjatë. Por fashionistia ndryshe nga personat e tjerë publikë që akuzohen për raste të ngjashme vendosi të reagonte.
“Nuk e përdor asnjëherë Photoshop-in. Më ka ndodhur edhe në foto të tjera ndonjëherë ta thonë, por varet nga poza si të kapin, edhe fotot kanë sekrete. Nuk e përdor sepse e para nuk di, e dyta nuk i kam qejf photoshop/plastic whatever”, shkroi Armina.
Për të treguar se a ka rëndësi vërtetë këndi nga e bën foton, vendosi ta provonte Julka Gramo.
“Këndi i duhur bën ndryshimin. Faleminderit NRG Albania që treguat sekretin e një fotoje perfekte, pa pasur nevojë për Photoshop”, shkruan ajo sipër fotos së postuar nga profili i radios.
“Pas një basti publik live në You&Me mes Julkës dhe Arjonit, a ka përdorur “photoshop” Armina në foto apo jo, shkuan bënë provën dhe ky është rezultati. Këndi i duhur të bëka vërtetë me këmbë kilometrike. Majtas Armina në foton e shumëpërfolur, më pas Julka me foton e shkrepur në këndin normal dhe fotoja e fundit, Julka me foton e shkrepur në këndin magjik. Me sa duket, Arminës i paskeni rënë kot në qafë”, shkruhet në përshkrimin e fotos nga NRG Radio.
