Pas Era Istrefit dhe Dafina Zeqirit një tjetër këngëtare shqiptare do të afirmohet në tregun botëror të muzikës. Enca Haxhia ka nënshkruar kontratë për t’u bërë pjesë e kompanisë “Universal Music Group”.
Ndonëse një gjë e tillë diskutohej prej kohësh, Enca ka treguar lajmin më të mrekullueshëm për karrierën e saj, që tashmë do të kujdeset nga gjigandi i muzikës që menaxhon emra të mëdhenj si Adele, Kanye West, Taylor Swift, Lady Gaga,
Edhe pse Enca nuk ka dhënë thuajse asnjë detaj më shumë rreth këtij projekti, normalisht pritet që nga viti i ardhshëm, kompania muzikore të nisë promovimin e saj ndërkombëtar si këngëtare.
Edhe kolegu i saj, Noizy, ka konfirmuar lajmin dhe njëkohësisht ka uruar Encën për këtë arritje të radhës.
“Enca Haxhia, sapo e firmosur nga “Universal Music”. Ndihem tepër krenar për arritjen tonë si grup. Mos harroni, ky është vetëm fillimi. Ka edhe plot surpriza të tjera. Me punë dhe sakrificë arrihet gjithçka!”.
