Një lajm i mirë vjen për të gjithë shqiptarët në këto ditë festive.
Parlamenti Europian ka votuar pro raportit të vitit 2018 për integrimin e Shqipërisë në BE.
Kreu i grupit parlamentar të PS-së Taulant Balla ka dhënë lajmin në Twitter, ku shkruan se PE i ka dhënë mbështetje rekomandimit për çeljen e negociatave për në BE.
Raporti në fjalë është hartuar nga eurodeputeti Kunt Fleckenstein.
“Parlamenti Europian ka votuar me 459 vota pro në favor të raportit të vitit 2018 për Shqipërinë. Ky raport mbështet plotësisht rekomandimet e Komisionit Europian që lejon hapjen e negociatave në njohje të përpjekjeve për zbatimin e reformave të bëra nga Shqipëria”, shkruan Balla.
Mësohet se kundër raportit ishin 112 vota dhe 62 abstenime.
