Ajo është parë shpesh në klubet e natës me të dashurin e saj. Olta Gixhari nuk e ka fshehur lidhjen me një djalë më të ri se mosha e saj.
Aktorja 29-vjeçare raportohet se për më tepër u shfaq çift gjatë një feste të organizuar nga një kompani telefonike.
Ajo shoqërohej nga 23-vjeçari Xhek Nasufi, pavarësisht se gjatë mbrëmjes çifti nuk la asnjë përshtypje sikur mes tyre ekzistonte një lidhje.
Por historia e tyre është vënë re disa muaj më parë me postimin e fotografive vetëm, në rrjetet sociale të aktores. Xhek Nasufi flitet se është student në degën e Ekonomisë, në një nga universitetet private në Tiranë.
Ndërkohë që në “Facebook”-un e tij dallohet menjëherë fotografia në çift me Olta Gixharin. 23-vjeçari Xheku mendohet se vjen nga një familje e pasur, ndërsa nuk mungon ekspozimi i luksit. Olta është parë prej kohësh me të riun në lokalet e kryeqytetit, ndërsa nuk fsheh ndjenjat që ka për të.
