Pas dasmës së Xhensila Murtezajt dhe Bes Kallakut, më 10 shtator e gjithë vëmendja e shqiptarëve do të jetë drejt dasmës së Marina Vjollcës dhe Getoar Selimit. Prej vitesh ata janë duke jetuar një histori dashurie deri sa më në fund vendosën që t’i zyrtarizonin gjërat në martesë. Mbrëmjen e 10 shtatorit në Durrës, moderatorja e njohur dhe reperi do të quhen zyrtarisht të martuar.
Ndërkohë që të gjithë mendojnë se Marina duhet të jetë duke e përgatitur si “e çmendur” dasmën e saj, si të gjitha nuset që duan të kenë kujdes për gjithçka, ajo është arratisur drejt Italisë. Në një foto të publikuar ditën e djeshme, Marina na ka treguar se ndodhet në Milano bashkë me mikeshën e saj Alketa Vejsiu, të cilës i ka besuar dekorin e ditës së saj më të rëndësishme.
Me siguri dy vajzat kanë udhëtuar në shtetin fqinj për të finalizuar detajet e fundit. Pa diskutim kurioziteti i madh është edhe për fustanin e bardhë të cilin do të veshë Marina.
Pak nga fustani i nusërisë me një material të mëndafshtë dhe i dekoruar na e ka zbuluar Alketa mbrëmjen e djeshme.
“Një fustan përrallor është dizenjuar dhe po prodhohet në atelier”, shkruhet brenda postimit.
Ne mezi po presim modelin e plotë, ose më saktë 10 shtatorin.
