Këtë verë “Top Channel” ka vendosur t’ju surprizojë dhe t’ju japë një mundësi të gjithë të apasionuarve pas ekranit. Një talent show nën emrin “Top Talent” do të fillojë gjatë muajit korrik dhe do të vazhdojë deri në gusht.
Ky spektakël i ri ka për qëllim të zbulojë gazetarin, moderatorin dhe regjisorin që do t’i pështatej më mirë ekranit të “Top Channel”.
Konkurrentët e këtij spektakli në fazën e parë do të konkurrojnë përpara një jurie profesioniste, ndërsa në fazën e dytë gjysëmfinale konkurrentët e kualifikuar do të trajnohen nga një staf profesionist.
Sipas burimeve nga “Top Channel” konkurrentët e kualifikuar nga juria për në mbrëmjen finale do të kenë mundësi të jenë fitues dhe të sigurojnë një kontratë pune në televizionin prestigjoz shqiptar.
