Ditën e sotme, Justin Bieber ka publikuar albumin e tij të shumëpritur prej kohësh, pas 4 vitesh mungesë në muzikë.
Albumi i tij titullohet “Changes” dhe këngëtari zgjodhi pikërisht ditën e të dashuruarve për të sjellë këtë dhuratë për fansat e tij.
Këngët e reja të Justin janë pritur mirë nga publiku, mirëpo njëra prej tyre ka bërë të nisin aludime të shumta në rrjet.
Lart e poshtë po thuhet se Justin dhe Hailey do të bëhen prindër për herë të parë dhe nuk është aspak çudi që ky lajm të jetë i vërtetë.
Shkak për këto lajme është bërë kënga e tij e titulluar “All Around Me”, ku dëgjohet një belbëzim fëmije.
Në minutat e fundit të këngës, fëmija dëgjohet fare qartë dhe fansat mendojnë se kjo është një shenjë nga çifti, i cili dëshiron të tregojë se familja e tyre po shtohet.
Megjithatë, ende nuk kemi asnjë lajm konkret nga dyshja, e cila gjatë dokumentarit të Justin Bieber ka rrëfyer periudhën e vështirë dhe mundin e madh për të arritur të kalojnë të gjitha problemet që kanë hasur gjatë këtyre viteve.
