Sezoni i 20 do të shënojë dhe sezonin e fundit të “Keeping Up With the Kardashians”.
Familja Kardashian-Jenner njoftoi më 8 shtator, se seriali do të kthehet për sezonin 19 të enjten, 17 shtator dhe do pasohet nga sezoni i fundit (i 20) në vitin 2021.
Kontrata është nënshkruar nga Kris Jenner, Kourtney Kardashian, Kim Kardashian, Khloe Kardashian, Rob Kardashian, Kendall Jenner, Kylie Jenner dhe Scott Disick.
Me anë të një statusi të gjatë dhe me fjalë zemre Kim ka dhënë lajmin e vështirë në Instagram, duke mërzitur shumë fansat.
https://www.instagram.com/p/CE5AwirA4Cx/
Mirëpo, e vetmja që e ka përjetuar drastikisht fundin e “Keeping Up With the Kardashians” ka qenë Khloe.
Këtë e ka treguar mamaja e saj, Kris Jenner.
Kjo e fundit ka rrëfyer se pas vendimit për mbylljen e serialit, Khloe s’ka mbajtur dot lotët dhe e ka përjetuar më shumë se kushdo tjetër.
“Ne të gjithë u mërzitëm, por besoj se Khloe e përjetoi më keq nga të gjithë. Ajo është prekur shumë nga ky vendim, megjithatë ne kemi shumë gjëra të tjera të bukura që do të shijojmë dhe do të ndajmë nga jeta jonë”, ka rrëfyer Jenner.
KUWTK nisi transmetimet në 14 tetor 2007, dhe i ktheu anëtarët e familjes Kardashian-Jenner në super yje ndërkombëtarë dhe të mediave me linja veshjesh, kompani kozmetike, aplikacione, faqe në internet dhe drejtoi vëmendjen e tabloideve në çdo lëvizje të tyre.
Gjatë këtyre viteve kemi ndjekur momentet intime që familja më e famshme në botë ka ndarë me guxim me të gjithë, duke bërë edhe publikun pjesë të jetës së tyre të përditshme.
