Ish-ministri dhe ish-deputeti Dritan Prifti ndërroi jetë pasditen e djeshme për shkak të leuçemisë, sëmundje prej të cilës vuante prej vitesh.
Në nisjen e seancës së sotme plenare, deputetët kanë mbajtur 1 minutë heshtje në nder të ish-parlamentarit.
Ndërkohë, mësohet se homazhet ndaj Priftit do të mbahen te Muzeu Kombëtar nga ora 10:00 deri në 12:00.
Trupi i pajetë i ish-ministrit do të përcillet për në banesën e fundit në Shish-Tufinë, ndërsa varrimi do të bëhet në orën 13:00.
Prifti kurohej prej muajsh intensivisht në Itali dhe Gjermani, por fatkeqësisht nuk mundi t’i bëjë ballë sëmundjes e cila i mori jetën.
