Tashmë java e Eurovizionit vazhdon dhe mbrëmë u mbajt gjysmëfinalja e dytë ku u zbuluan dhe dhjetë shtete e tjera që do kualifikohen për natën finale nga 18 performanca gjithsej.
Legjendat e rrokut “The Rasmus” hapën festën dhe grupi “We Are Domi” e mbyllën natën me një spektakël dritash. Kualifikuesit u shpallën në mënyrë të rastësishme. Renditja përfundimtare duke përfshirë rezultatet e jurisë së ndarë dhe rezultatet e televotimeve nuk do të zbulohen deri pas finales së madhe të shtunën.
Shtetet e kualifikuara janë:
Belgjikë: Jérémie Makiese — “Miss You”
Republika Çeke: We Are Domi — “Lights Off”
Azerbajxhan: Nadir Rustamli — “Fade to Black”
Poloni: Ochman — “River”
Finlandë: The Rasmus — “Jezebel”
Estoni: Stefan — “Hope”
Australia: Sheldon Riley — “Not The Same”
Suedi: Cornelia Jakobs — “Hold Me Closer”
Rumani: WRS — “Llámame”
Serbi: Konstrakta — “In corpore sano”
Këngëtarja Ronela Hajati nuk ia arriti dot të shkonte drejt finales së “Eurovision” me këngën “Sekret”, por performanca e saj arriti të tërheqë vëmendjen e të fitojë zemrën e shumë shikuesve. Kryefjala e mediave rozë ka qenë lajmi që Eurovisioni ka fshirë nga faqja zyrtare fotot e Hajatit gjatë performancës pasi fotot janë konsideruar shumë “provokative” dhe të pahijshme.
“E vërteta është që fotoja u zëvendësua. Pastaj patëm një komunikim të vogël, por pasi u rishikuan gjithë gjërat, performanca është tepër normale. Është show në fund të ditës. Më s’do ndryshohet asgjë, thjesht do bëhet më bukur”,– ka thënë Ronela.
