Adele triumfoi në ndarjen e çmimeve “BRIT Awards” që u mbajt në Londër. Këngëtarja u shpall katër herë fituese në kategoritë: “Këngëtarja më e mirë femër”, “Kënga më e mirë” për hitin “Hello”, “Albumi më i mirë i vitit” për “25” dhe për “Suksesin global”.
Gjatë fjalimit të saj, Adele tregoi edhe mbështetje për Kesha-n në luftën e saj kundër producentit Dr Luke, i cili akuzohet për përdhunim.
Ceremonia u mbajt në arenën O2 në Britaninë e Madhe dhe është një ekuivalente e çmimeve “Grammys”. Gjatë eventit nuk mungoi homazhi në nder të legjendës së muzikës, David Bowie, i cili ndërroi jetë në janar pas një beteje kundër kancerit.
Këngëtarja Annie Lennox e quajti fituesin e çmimit “BRIT Icon Award” si një “shembulli më i mirë i një vizionari”. Anëtarë të bandës së tij dolën në skenë për të performuar disa prej këngëve më ët dashura të Bowie, të cilët u shoqëruan më vonë nga Lorde. Aktori Gary Oldman, miku i ikonës së muzikës i cili doli në skenë për të marrë këtë çmim të Bowie tha: “David ti ishe i vdekshëm, por potenciali jot mbinjerëzor dhe muzika jote do të vazhdojnë të jetojnë.”
Banda britanike Coldplay morën çmimin “Grupi më i mirë”, të cilën ia dedikoi të gjithë muzikantëve të rinj që janë në kampet e refugjatëve në botë.
Në skenë performuan: Adele, Coldplay, Jess Glynne, Justin Bieber, The Weekend, Little Mix, Rihanna dhe James Bay.
Fituesit:
Albumi i Vitit – Adele, 25
Video e Vitit – One Direction, “Drag Me Down”
Artistja Ndërkombëtare më e Mirë Femër – Bjork
Zbulimi më i madh – Catfish & the Bottlemen
Artisti Mashkull Ndërkombëtar – Justin Bieber
Grupi i më i Mirë Britanik – Coldplay
Kënga e Vitit – Adele, “Hello”
Këngëtarja më e Mirë Femër – Adele
Artisti më i Mirë Britanik – James Bay
Grupi më i Mirë Ndërkombëtar – Tame Impala
Zgjedhja e Kritikës – Jack Garratt
Producenti i Vitit – Charlie Andrew
Çmimi i Suksesit Botëror – Adele
Burimi: Billboard
