Tërmeti i 26 nëntorit shkatërroi Shqipërinë dhe sidomos zonën e Durrësit dhe Thumanën.
51 persona humbën jetën dhe qindra të tjerë mbetën të plagosur, ndërsa të panumërta kanë qenë edhe dëmet materiale.
Shumë familje kanë mbetur pa shtëpi, pa ushqime e rroba, megjithëse ndihmat për popullin tonë kanë qenë të mëdha.
Sipas “IndeksOnline”, banorët e rrethinave të Durrësit janë shprehur se askush nuk është ofruar ende t’i ndihmojë, ndaj të shumtë janë ata që kanë ndërtuar vetë strehim.
“Këto janë pamjet tmerruese në disa nga fshatrat e prekur nga tërmeti. Shtëpitë e dëmtuara, e njerëz që tani më gjumin e bëjnë nëpër serra të ndërtuara vet. Pavarsisht ndihmave të shumta nga të gjitha anët ku jetojnë shqiptarët, në këto fshatra ende ska arritur asnjë ndihm. Depot shtetrore janë të stërmbushura me ushqime e veshmbathje, mirpo ato nuk po shpërndahen për qytetarët!? Kush po përfiton nga këto ndihma në këto dit krize në Shqipëri? Kush po ndalon shpërnarjen e ndihmave? Shum fëmijë e pleq rrin pa buk, duke pritur që dikujt nga shteti ti bie ndërmend për ta”.- është shprehur një person që ka preferuar të mbetet anonim.
Gjithashtu, “IndeksOnline” mëson se janë bërë denoncime se depot e mbushura me ndihma po mbahen të mbyllura dhe askush nuk po ndihmohet ende.
Këto janë disa nga fshatrat të cilat aludojnë se u shkatërruan plotësisht dhe nuk po ndihmohen nga askush:
Dlebnisht Laç
Fushë-Mamurras
Selitë Laç
Ishëm
Mamurras
Lestere Laç
Marikaj
Vorë
Pezë
Maminas
Rade
Gjiri i Lalzit
Borizanë
