Finem dhe Stresi përveçse janë dy nga reperët më në zë në vendin tonë, gjithashtu janë njohur edhe për shoqërinë e tyre.
Në gusht dyshja bashkoi forcat dhe sollën bashkëpunimin e parë “Gazi n’fund”, që rezultoi super i suksesshëm dhe numëron mbi 11 milionë klikime.
Ndërkohë, dy muaj më parë duke u bashkuar edhe me Solo ata sollën “Për Veti”, që u kthye menjëherë në hit dhe u prit shumë mirë nga fansat.
Tekstin, sikurse edhe në shumicën e rasteve e kanë shkruar vetë artistët, dhe flet për dashurinë. Kënga “Për veti” është projekti i parë i albumit të Stresit “Archimed”, ndërsa në projektet e tjera ka edhe duete me artistë tjerë.
Mirëpo, disa postime të dyshimta janë bërë mes tyre pasditen e sotme, ndonëse na ngjajnë më shumë me një shaka.
Si fillim, ishte Stresi ai që postoi disa video në Instastory ku shprehej se nuk do ndiqte asnjë person që nuk e mbështet.
“Do mbaj vetëm ata që më kanë mbështetur sa herë që kam nxjerrë diçka dhe ata ma shtojnë kënaqësinë, unë ata do t’i mbaj. Çdo kush që më suporton do ta suportoj gjithë jetën. Kush nuk më suporton nuk dua justifikime. As kam nevojë me m’pa mua, as storyt, as nuk kam nevojë të më kesh follow back”.-shprehet ndër të tjera Stresi.
Më pas ai publikoi një screenshot të profilit të Finem, duke iu kërkuar ndjekësve që t’i bënin report sepse nuk i ka shpërndarë këngën e fundit.
Sakaq, edhe Finemi ka bërë të njëjtën gjë, duke u kërkuar ndjekësve t’i bëjnë report Stresit.
Nuk dihet nëse postimet e tyre janë me ironi e shaka, apo ka diçka të vërtetë, por na mbetet vetëm të presim.
