Ndarja e çiftit Jessie J dhe Channing Tatum ishte një ndër ngjarjet e bujshme të showbiz-it, që u komentua gjatë në media e rrjete sociale.
Lart e poshtë qarkulluan arsye të ndryshme për ndarjen, por kush më mirë se Jessie J do t’i tregonte ato?
Madje, ajo nuk u mundua të flasë as nëpër intervista e dalje publike, as në postime të ndryshme në rrjete sociale, por në një këngë që do t’i ngelë kujtim përjetë.
Sipas “The Sun”, megjithëse këngëtarja s’e ka deklaruar publikisht, ky projekt i dedikohet ish-it, Tatum dhe shpjegon mënyrën si po shkonte marrëdhënia e tyre.
“Ti gjithmonë ëndërron për të nesërmen, ndërsa unë jam akoma duke menduar të djeshmen”
“Kudo që shkon ti, dua të të ndjek, le të bëjmë një premtim sot”
“Le ta marrim me ngadalë, me hapa të vegjël, që të mos e shkatërrojmë atë ç’ka vjen pas. Vetëm qëndro i qetë, që të mos nxitohemi, pa presione, vetëm qejf, nuk është garë, s’kemi pse të vrapojmë. Nëse do zgjasë përgjithmonë, le të jemi thjesht në dashuri”- janë disa prej vargjeve të “Simply in love”.
Romanca e Jessie J dhe Tatum nisi vetëm pak kohë pasi ky i fundit ishte ndarë nga bashkëshortja, Jenna Dewan.
