Princesha Kate Middleton dhe Princi William kanë nisur një turne në Skoci, ku kanë nisur menjëherë takimet në nivel mbretëror, mbledhje bamirësie dhe aktivitete të tjera.
Në një nga takimet në një shkollë fillore, Dukesha e Cambridge u kap në befasi kur një fëmijë e pyeti: “Kush je ti?”.
“Kush jam unë? Unë jam e martuar me William,” tha Princesha e Uellsit ndërsa tregoi me gisht princin.
“Më pëlqen shumë shkolla juaj. E di? Ishte shumë bukur që ju takova të gjithëve”, e mbylli ajo fjalën e saj.
Ndërkohë ekspertët e quajnë këtë rast një shembull tjetër që Kate lë të shoqin në qendër të vëmendjes.
“Ajo nuk përpiqet kurrë ta ngrejë në piedestal bashkëshortin e saj,” tha pak kohë më parë, biografja e familjeve mbretërore dhe gazetarja, Penny Junor.
Ata shihen si një dyshe shumë e dashur në familjen mbretërore.
“Unë mendoj se Kate është paksa si princi Philip që mbështet mbretëreshën. Ajo nuk e zbeh Williamin në rolet publike, por ka ende shumë për të thënë vetë,” vazhdoi gazetarja.
Një burim tjetër shtoi se Kate është lloji i gruas që do të marrë përsipër gjithçka që i nevojitet.
“Nëse i duhet të shkojë deri në pikën kulmore të gjërave, ajo e bën dhe gjithmonë e ka bërë. Ajo dhe William janë një ekip i mrekullueshëm”, thotë eksperti.
