Para dy ditësh, Dafina Zeqiri legjitimoi flokët e shkurtëra duke prezantuar look-un e saj të ri në Instagram me përshkrimin:
“Sa më të shkurtra flokët, aq më të gjata shikimet”
Sot, Dafina u shfaq krejtësisht e ndryshuar, me një paruke të gjatë bjonde.
Duhet thënë se për aq kohë sa e njohim, Dafinën s’para e kemi parë dy herë njësoj. Megjithatë, edhe nëse marrim parasysh vetëm ndryshimet e ditëve të fundit, prapë kryeson listën si këngëtarja shqiptare me më shumë ndryshime drastike look-u.
Vetëm brenda një muaji, Dafinën e kemi parë të kalojë nga flokët platin me prerje bob…
…tek flokët e gjatë të errët…
…tek flokët e shkurtër të errët…
…tek flokët e gjatë bjondë.
Megjithatë, Dafi nuk është e vetmja që pëlqen të eksperimentojë me flokët duke bërë ndryshime drastike për çfarëdolloj rasti, përshembull sa për të shkrepur ndonjë foto për Instagram.
Ronela Hajati u vu në qendër të vëmëndjes për look-un e frymëzuar nga piktorja meksikane Frida Kalho, me flokë kaçurele gështenjë dhe një vetull të vetme.
Pastaj, pozoi me paruke bjonde platin dhe onde.
Ca ditë më vonë, me gështenjën e saj natyrale.
Ndërsa të dielën e kaluar u shfaq tek “E Diell” përsëri me një paruke bjonde platin, duke mbyllur përkohësisht këtë cikël shndërrimesh drastike.
Hyrje e re në listën e vajzave të njohura që nuk e quajnë ndryshim nëse nuk është drastik, është edhe Rina Balaj.
Tetorin e kaluar, ajo mbushi 19 dhe që atëherë, e kemi parë të ndryshojë gjithmonë e më shumë, duke lënë pas look-un e përhershëm me flokë të errët dhe prerje të mesme bob.
E pamë me paruke blu alla njëbrirësh…
…paruke të gjatë dhe të errët…
…flokë të lyer me ngjyrë të kuqe, shumë të kuqe…
…dhe së fundi, i leu ngjyrë portokalli.
Kurse sot, i leu prapë të kuqe…
Melinda Ademi nuk mbetet pas me rekordin e saj personal prej 5 ndryshimesh drastike gjatë dy muajve të fundit.
Nga vajza me flokë të gjatë, të zinj që njohëm tek “Lulija”, që nga shkurti Melinda është shfaqur me:
Flokë voluminozë në bjonde platin
Flokë të gjatë bjondë me rrënjë të errët
Flokë ngjyrë blu koral
Flokë platin me prerje bob
Përsëri flokë të gjatë bjondë me rrënjë të errët
Morali? Paruket me ngjyra ekstravagante janë prapë në modë. Mos është prapë 2017-a?
Gjithashtu: trendi i flokëve të stërgjatë po pushton showbiz-in shqiptar: Shiko këtu
