Zëdhënësi i Presidentes së Kosovës, Bekim Kupina, ka reaguar pas lajmeve të shumta në lidhje me pasaportën diplomatike të stilistit të njohur Valdrin Sahiti, e cila u tha se e ka marrë nga presidentja Vjosa Osmani. Kupina nënvizon se presidentja nuk i ka dhënë pasaportë diplomatike askujt dhe se nuk ka kompetencë ligjore të japë pasaporta. Ai ka bërë një sqarim në rrjete sociale duke thënë se këto pasaporta janë dhënë nga qeverisja e kaluar.
“Sqarim i sërishëm. Presidentja asnjëherë nuk i ka dhënë pasaportë diplomatike askujt, pra as Valdrin Sahitit. Presidentja as nuk e ka rekomanduar nje gjë të tillë. Presidentja nuk ka kompetencë ligjore të japë pasaporta. Këto pasaporta janë dhënë nga qeverisja e kaluar. Prandaj shpifjet e shumta të këtyre ditëve Presidenca do t’i trajtojë duke ndërmarrë masa të parapara me ligj ndaj të gjithë atyre që kanë shpifur”.
Reagimi i Presidencës vjen pas lajmeve se stilisti i njohur u kap nga autoritetet turke me substanca narkotike në Aeroportin e Stambollit, duke shfrytëzuar pasaportën diplomatike.
