Këngëtarja Besa Kokëdhima ka shpërndarë në “Instagram” foton e një buqete me lule që i është dhuruar nga babai i saj, ish-deputeti Koço Kokëdhima.
Fotoja është pëlqyer dhe komentuar pozitivisht në “Instagram”, me siguri jo vetëm për bukurinë e luleve shumëngjyrëshe të kësaj buqete, por sidomos për mesazhin me të cilin Besa e ka shoqëruar këtë foto.
Besa shkruan se çdo javë ajo merr lule nga babai i saj për t’i shprehur dashurinë e tij dhe mënyrën se si duhet trajtuar një femër:
“Babai im më dërgon një buqetë me lule çdo javë, për të më shprehur dashurinë e tij edhe për të më treguar se si duhet trajtuar një femër. Faleminderit! Të dua babi”, ka shkruar Besa.
