Senida Mesi është zëvendës kryeministrja e re që do të zëvendësojë Niko Peleshin. Ajo u bë e njohur për publikun në zgjedhjet e qershorit teksa kandidonte e treta në qarkun e Shkodrës.
Që nga dita e diel, ku kryeministri e vlerësoi, Senida është shndërruar në një nga personazhet mediatike. Të shumtë kanë qenë mediat që kanë publikuar video të saj përgjatë fushatës, madje shpesh edhe duke e sulmuar për fjalorin e përdorur.
GSH.al sjell ditën e sotme anën tjetër të zyrtares së lartë. Krahas angazhimit në politikë, Senida ka një familje të shëndoshë. Së bashku me bashkëshortin, Artanin, çifti duket se i kushton shumë kohë tre fëmijëve të tyre. Djali i zëvendës kryeministres është tashmë adoleshent, ndërsa vajza e vetme e Mesit është një vogëlushe mjaft simpatike.
E në fund djali i vogël është ende një vogëlush, që mesa duket preferon të qëndrojë në krahë të mamit. Fotot janë shkëputur nga pushimet familjarë të familjes Mesi, ku zëvendësja e Ramës duket larg kostumit të zyrtares së lartë, teksa shihet e veshuar ‘casual’, apo me kostum sportiv. Pa make-up, me flokët e kapura dhe krejtësisht e përkushtuar tek familja e saj, duket se kjo është pamja që Senida Mesi ofron jashtë politikës dhe postit të rëndësishëm që mban.
