Pak ditë pasi deklaroi se rreth tre muaj më parë i ka dhënë fund një lidhjeje me një vajzë që jetonte në Francë, Adrian Gaxha mund të jetë kapur mat.
F otoja e fundit që ka mbërritur në adresë të “Prive” tregon të kundërtën për këngëtarin e njohur Adrian Gaxha.
Në një rrëfim të pazakontë për jetën private, të shtunën Gaxha tha se për rreth një vit e gjysmë kishte jetuar një histori dashurie, të cilën e kishte mbajtur larg syrit të publikut.
Kjo, siç tha ai, jo vetëm për shkak se donte të respektonte privatësinë e partneres së tij, por edhe për të shmangur sa më shumë problemet që vijnë pasi një lidhje bëhet publike.
Por fotoja e fundit e tregon këngëtarin shqiptar nga Maqedonia së bashku me një vajzë në një prej qendrave tregtare në Shkup.
Edhe gjatë verës, Adriani është fotografuar në shoqërinë e një vajze në mjedise të ndryshme. Është single apo po vazhdon i qetë lidhjen e tij të dashurisë?
