Ajo është vetëm 22 vjeç dhe ka tërhequr vëmendjen e jurisë franceze me tiparet e bukura shqiptare që ka.
Kleofina Pnishi është shpallur Miss në rajonin e Francës, Bouches-du-Rhône, të dielën.
22-vjeçarja siç shkruan mediumi francez Francebleu.fr, është me origjinë nga Kosova por është rritur në Francë.
Kosovarja studion për gazetari, derisa ka thënë se përzgjedhja si femra më e bukur e Bouchez-du-Rhone ka qenë një ëndërr për të, njofton Insajder.
“E ndoqa instiktin tim dhe funksionoi. Realizova ëndrrën e shumë grave të reja”, ka thënë Pnishi
Ajo është e apasionuar pas muzikës dhe kinemasë, teksa ka pasur role në dy filma dhe një serial televiziv në Francë.
