Ditën e sotme tërhoqi shumë vëmendje lajmi se Al Pacino, 83-vjeç dhe e dashura e tij Noor Alfallah, 29-vjeçe do të kenë së shpejti një fëmijë.
Dyshja u njohën gjatë pandemisë dhe shumë shpejt hynë në një lidhje romantike. 29-vjeçarja më parë ka qenë në lidhje me Mick Jagger.
“Nuk më intereson fare mosha. Zemra nuk di çfarë sheh, di vetëm se çfarë ndjen. Ishte lidhja ime e parë serioze dhe isha shumë e lumtur”, kishte thënë ajo në një intervistë për revistën Rolling Stones në vitin 2018.
Theksojmë se Noor ka qenë në romancë me miliarderin Nicolas Berggruen, si dhe ka qenë e lidhur edhe me Clint Eastwood, megjithëse i ka mohuar thashethemet për lidhjen me filmbërësin ikonik.
Noor është diplomuar për produksion filmi në Universitetin e Kalifornisë Jugore (USC) dhe e ka përfunduar masterin në të njëjtën fushë në Universitetin e Kalifornisë në Los Angeles (UCLA).
Ajo është nënkryetare e Lynda Obst Productions dhe rrjedh nga një familje e pasur. Babai i saj, Falah, është themeluesi i ThirtyOneCapital.
