Dorea Rabelli është vetëm 14 vjeç dhe ja ka dalë të shpallet kampione në mes të dhjetra fëmijëve nga e gjithë bota.
Ajo ka marrë pjesë në kampionatin e matematikës në Zvicër ku ka rënë në sy për inteligjencën e lartë.
Lajmin e ka bërë të ditur ambasadorja e Kosovës në SHBA, Vlora Citaku, e cila nëpërmjet një postimi në rrjetet sociale ka shprehur vlerësimet e saj.
“Më lejoni t’u prezantoj me Dorea Rabellin, kampionen e Cyrihut në matematikë. Po, po në matematikë. Dorea është 14 vjeç. Mbajeni mend këtë emër”, ka shkruar ambasadorja.
Më tej ajo shton se Shqipëria përmendet në të gjithë botën për artistët e njohur dhe tani ka ardhur koha të dallojë edhe në shkencë.
