Eliza Dushku është zyrtarisht jashtë “tregut të beqareve”.
Aktorja 36-vjeçare njoftoi të enjten fejesën e saj me biznesmenin 53-vjeçar Peter Palandjian, nëpërmjet “Instagram”-it.
Ylli i filmit “Bring It On” shpërndau një foto që besohet se është bërë vetëm pak çaste pasi i dashuri iu ul në gjunjë.
E veshur me një jumpsuit me dizajn lulesh, Eliza shihet duke mbajtur dorën e ish-tenisit, ndërsa e vështron atë me befasi. Ndërkohë, Peter është i veshur me xhinse gri dhe mban një këmishë me lule. Po kush është Peter Palandjian?
53-vjeçari është biznesmen nga Boston dhe një ish-lojtar profesionist i tenisit nga Shtetet e Bashkuara. Aktualisht është në krye të Korporatës Interkontinentale Real Estate.
Ai ka studiuar në Universitetin e Harvardit dhe më vonë në Shkollën e Biznesit të Harvardit.
Peter udhëhoqi dy herë ekipin e Harvardit dhe luajti në kampionatin e NCAA-s, si lojtari numër një i ekipit. Palandjian, i cili u diplomua me një diplomë Bachelor të Arteve në letërsinë angleze dhe amerikane, mundi Pat McEnroe në kampionatin e NCAA në vitin 1986.
Burimi: Iconstyle.al
