Të tjera detaje janë bërë me dije lidhur me spektaklin “Dancing with the stars” që pritet të startojë shumë shpejt.
Së fundmi, kryefjala.com bën me dije se në juri do të jetë edhe producentja Holta Dulaku.
Kujtojmë që ajo solli vite më parë këtë spektakël kërcimi në Shqipëri, që transmetohej në Vizion Plus.
Tashmë ajo do të ulet në karrigen e anëtares së jurisë. Kështu ka konfirmuar kryefjala.com.
Sa i takon kryetarit të jurisë, burime për Top Channel raportuan se do të jetë koreografi i njohur dhe balerini Kledi Kadiu.
Kledi Kadiu, balerin profesionist, sot mësues i vlerësuar, prej shumë vitesh jeton në shtetin fqinj Itali.
Krenar për vendin e tij, Kledi më herët ka dhënë një intervistë ku ka folur për javën e Kulturës Italiane në Shqipëri.
“Kthehem shpesh në Shqipëri, jo vetëm sepse janë të dashurit e mi atje, por për t’i treguar vajzës sime rrënjët dhe kulturën e vendit tim.
Një fije që ka mbetur gjithmonë e pandryshuar tek unë, thuajse një kordon kërthize që nuk është këputur kurrë.
Një dialog që është forcuar gjithmonë ndër vite mes Italisë dhe Shqipërisë, vetëm se mund të më kënaqë dhe të më bëjë krenarë edhe sepse në mua këto dy identitete bashkëjetojnë në mënyrë të natyrshme…me traditat dhe specifikat e tyre. Pothuajse dy shpirtra në një. Ndjehem shqiptar dhe italian në të njëjtën kohë.
Dhe e ndjej si një pasurim, një vlerë të shtuar, një pikë force”– u shpreh Kledi Kadiu.
