Më datën 18 mars të këtij viti 26-vjeçari Jurgen Kurti u ekzekutua për vdekje teksa po shkonte në shtëpinë e tij dhe aktualisht janë në burg tre persona për krimin në fjalë.
Tre të arrestuarit për vrasjen me pagesë të 26-vjeçarit janë Elsi Levendi, Alesio Berberi dhe Olsi Qalliaj, mirëpo kush janë porositësit?
Së fundmi disa burime kanë bërë me dije për “Report Tv” se “specialistët e Interpol Tirana kanë dërguar drejt Romës dhe Athinës dy letër porosi për identifikimin e adresave dhe ndalimin e dy shqiptarëve që qëndrojnë pas këtij krimi.”
Pra aktualisht po punohet për kapjen e autorëve të vërtetë të ngjarjes të cilët raportohet se gjenden në Romë dhe në Athinë.
Rikujtojmë se Kurti nuk ka qenë një emër i padëgjuar për drejtësinë shqiptare. Ai është shoqëruar në polici për dy vrasje, për babanë e tij dhe për atë të Agim Arapajt.
