Ajo i shokoi të gjithë kur zbuloi se dikush kishte kafshuar në fytyrë Beyonce-n, gjatë një feste.
Por aktores Tiffany Haddish iu desh që të mbronte veten, pasi shkroi në “Instagram” se kishte thënë vetëm të vërtetën lidhur me incidentin, që kishte ndodhur në dhjetorin e vitit të kaluar.
“Harruat të gjithë që dhe unë jam në kosheren e bletëve dhe thjeshta ta dini, do të them gjithmonë të vërtetën. Kjo nuk do të mbarojë me kaq. “Mbretëresha” më ndaloi të bëja atë që gjysma prej jush do të bënte, pavarësisht gjithçkaje. Për mua ajo është një heroinë dhe një person i mrekullueshëm, që kam mësuar kaq shumë gjëra prej saj në vetëm për një kohë të shkurtër”, tha 38-vjeçarja.
Ajo i kishte thënë miqve të saj se Sanaa Lathan është në fakt aktorja që ka kafshuar Beyonce-n në fytyrë, sipas burimeve të TMZ.
Pas këtij lajmi, Lathan menjëherë mohoi ngjarjen në “Twitter”:
“Jeni shumë për të qeshur. Për asnjë arsye nuk do ta kafshoja Beyonce-n dhe nëse do të ndodhte do të ishte kafshim dashurie”.
Kush po thotë të vërtetën? Vetëm Beyonce e di me siguri se kush ia nguli dhëmbët atë natë në fytyrë.
