Autorja e njohur Jenna Birch, ka shkruar një artikull për “Psychology Today” , ku jep disa përgjigje në lidhje me dilemën e çdo çifti të ri. Kush duhet ta japë puthjen i pari, femra apo mashkulli.
“Në marrëdhëniet heteroseksuale, shumica besojnë se është femra ajo që thotë e para “Të dua”. Por studimet kanë treguar se zakonisht janë meshkujt ata që bëjnë hapin e parë”, shkruan Birch.
Një studim i Universitetit në Pennsylvania, ka treguar se meshkujt i thonë më shpejt fjalët e shumëpritura, madje pak javë pas lidhjes, ndërsa femrat vonohen më shumë për t’u shprehur.
“Në kundërshtim me çfarë besoni, femrat janë të “kurdisura” të vonohen në shprehjen e ndjenjave”, thotë profesoresha e psikologjisë Marissa Harrison, që ka bërë studimin. “Është një mekanizëm mbrojtës, që u jep kohën e duhur për të kuptuar vlerën e partnerit”, shkruan Class.
Disa nga arsyet që meshkujt shprehin më herët ndjenjat e tyre, sipas artikullit të Jenna Birch, janë:
-Duan të sigurojnë sa më shpejt seksin
-Sepse ashtu e do tradita, mashkulli bën hapin e parë
-Sepse kanë një mendim më romantik të lidhjes, për ta është më e thjeshtë të besojnë në dashuria me shikim të parë
-Sepse mendojnë që femrat kanë nevojë për një vërtetim ndjenjash, për t’u hapur më shumë në lidhje
-Sepse ashtu ndihen në të vërtetë
Pra, kur duhet t’i thuash për herë të parë “Të dua” partnerit? “Nuk ka një rregull për këtë, pasi sipas Prof, Asc Karla Ivankovich, është mirë që ta thuash kur vërtet ta ndiesh. Kjo mund të ndodhë pas dy muajsh, ose pas dymbëdhjetë, por koha asnjëherë nuk ka rëndësi. Ajo që ka rëndësi është vërtetësia e ndjenjës dhe angazhimi që ajo sjell”, përfundon artikulli.
