Rikthimi më i mezipritur ishte ai i “West Side Family”, të cilët sollën këngën “Beso”. Të ftuar në emisionin “Pasditja Ime”, ata folën rreth projekteve të tyre të reja, që mesa duket në 2018-n pritet të jenë të shumta.
Të pyetur nëse do ta shtonin grupin e tyre, Land Hysi tha:
“West Side Family” ka funksionuar në fillim me Florin dhe Mirin e më pas u bashkova unë. Kemi qenë karaktere të ndryshme si në skenë ashtu edhe në jetë. Ne nuk do ta shtojmë grupin, thjesht do të punojmë me vëllain e Dr.Florit, Albanin, i cili është i karikuar këto kohë për të bërë muzikë shumë të mirë”.
Nga ana tjetër ata kanë rrëfyer se do të kenë gjithashtu edhe bashkëpunime me artistë të tjerë, duke veçuar Aurela Gaçen.
