Gjatë shekujve, kurorat, si simboli i gjithëfuqishëm i monarkisë, ka arritur të përfaqësojë më shumë sesa thjesht një anëtarësim në monarki. E lidhur ngushtë me idenë romantike të një princeshe, është një paraqitje kulturore për rininë dhe feminitetin si dhe statusin. Nga kurorat plastike të Hirushes të veshura nga miliona fëmijë që vizitojnë parqet tematike të Disney-t çdo vit, te Met Gala, ku shumë të famshëm, duke përfshirë Blake Lively dhe madje edhe vetë Anna Wintour, mbanin versione të zbukuruara me bizhuteri, aksesori i lashtë vazhdon të jetë aktuale edhe sot.
Këtë verë, shtëpia e ankandeve “Sotheby’s” do të shfaqë disa nga diademat më me ndikim të historisë — shumë të cilat nuk janë parë nga publiku në dekada — në një ekspozitë të re të quajtur “Fuqia dhe imazhi: Diademat mbretërore dhe aristokratike”. Ngjarja, e cila hapet në Londër më 28 maj, është një retrospektivë festive e 50 diademave, kushtuar jubileut Platinum të Mbretëreshës.
E përfshirë në formacion është “The Spencer Tiara”, e veshur në mënyrë të famshme nga Princesha Diana gjatë dasmës së saj me Princin Charles, një bashkim mbretëror i ndjekur nga më shumë se 750 milionë njerëz në 74 vende. Stili i kurorës, e cila ka një pjesë qendrore në formë zemre dhe është e vendosur me diamante, i është dhënë hua “Sotheby’s London” nga Lord Spencer, vëllai më i vogël i Dianës dhe do të shfaqet për herë të parë që nga vitet 1960. Sipas ankandit ky ishte një aksesor i preferuar për Dianën, e cila thuhet se e veshi shtatë herë midis martesës së saj në 1981 dhe vdekjes së saj në 1997. Ajo ka të ngjarë t’i jetë dhuruar Dianës nga gjyshja e saj, Lady Cynthia Hamilton, e cila mori kurorën si dhuratë martese në vitin 1919.
